සිව් සියවස් දුරාතීතයකට දිවෙන රුසියාවේ බුදු දහම

වසර හාරසියයක දිගු ඉතිහාසයක් හිමි රුසියාවේ බුදු දහම පිළිබඳ කතිකාවත ඇරඹෙනුයේ දාහත්වන සියවසේදී මුල් භාගයේදී රුසියානු අධිරාජ්‍යයේ බල ප්‍රදේශයට මුලින්ම සංක්‍රමණය වූ ‘කැල්මයික්’ ජන කොට්ඨාසයෙනි. විසිවන ශතවර්ෂයේ අගභාගයට පෙරදී රුසියාවේ විසූ එකසිය පනහක් වූ ජාතීන් අතුරෙන් නිල වශයෙන් බෞද්ධාගමිකයන් ලෙස සැලකුම් ලබන ලද්දේ ‘කැල්මයික්වරු’ බුර්යට්වරු හා තුවාවරු යන ජන කොට්ඨාස තුන පමණකි.

මින් පළමු රුසියානු බෞද්ධ ජනකොට්ඨාසය ලෙස සැලකුම් ලබන කැල්මයික්වරු බටහිර මොංගෝලියාවේ සිට රුසියානු අධිරාජ්‍යයට අයත් බල ප්‍රදේශයක් වන වොල්ගා කලාපයට සංක්‍රමණය වී ඇති අතර අද එකී බලප්‍රදේශය කැල්මයික්යා ජනරජය ලෙස හඳුන්වනු ලැබේ. රුසියාවේ පළමු බෞද්ධ ජන කොට්ඨාසය ලෙස අද බුහුමනට පාත්‍රවන්නාවූ කැල්මයික්වරු රුසියාවට සංක්‍රමණය වීමට සියවසකට පෙර සිටම එනම් දහසය වන සියවසේ සිට බෞද්ධ අනුගාමිකයන් වුවද, ඊටත් බොහෝ කලකට එනම් සියවස් තුනකටත් පෙර වූ අනාදිමත් කාලයක සිට කැල්මයික්වරු හා බුදු දහම අතර වූයේ සමීප සබැඳියාවකි.
ක්‍රි.ව. 1640-1660 අතර කාලයේදී රුසියානු අධිරාජ්‍යයට ඈඳාගනු ලැබූ අද වන විට ‘බූර්යාටියා ජනරජය’ ලෙස හැඳින්වෙනු ලබන බල ප්‍රදේශයේ හිමිකරුවන් වූ ‘බුර්යට්වරු’ රුසියාවේ දෙවන බෞද්ධ ජන කොට්ඨාසයයි. කෙසේ නමුදු බුර්යට්වරු ක්‍රියාකාරී බෞද්ධ අනුගාමිකයන් ලෙස ජාතියක් වශයෙන් නැගීසිටින ලද්දේ දහඅටවන සියවසේදී පමණය. වත්මනේදී තුවා ජනරජය ලෙස හැඳින්වෙන තුවා බල ප්‍රදේශය 1944 දී රුසියාවට සම්බන්ධ වීමට ප්‍රථම චීනයේ පාලනයට නතුව සිටි ජනකොට්ඨාසයකි. තුවාවරුන්ගේ මුතුන්මිත්තන් ආදි මධ්‍යකාලීන යුගයේ සිට බුදුදහම හා සමීප සබැඳියාවකින් ජීවත් වුවද තුවාවරුන් බෞද්ධ වත්පිළිවෙත් අනුව යමින් බුදුදහම වැළඳගන්නා ලද්දේ දහඅටවන සියවසේ මැද භාගයේදී පමණය. විසිවන සියවසේ මුල්භාගය වන විට තුවාවරුන් අතර බුදුදහම ප්‍රබල ස්ථාවරත්වයකට පත්ව තිබුණේ ක්‍රමානුකූල භික්ෂු පුහුණු පද්ධතියකින් හා වත්පිළිවෙත්වලින් සමන්විත අංගසම්පූර්ණ ආගමික සංස්ථාවක තත්ත්වයට පත් වෙමිනි. රුසියාවේ නිල වශයෙන් බෞද්ධාගමිකයන් ලෙස සැලකෙන තෙවන වාර්ගික ජන කණ්ඩායම වන තුවාවරු තිබ්බත බුදුදහමේ ප්‍රබලම ගෙලුන් පර්ෂදයේ අනුගාමිකයන්ය.
ක්‍රි.පූ. හයවන සියවසේදී ඉන්දියාවේදී සම්භවය වූ බුදුදහම ඓතිහාසික, සංස්කෘතිකමය හා සදාචාරාත්මක අංගයන්ගෙන් පරිපූර්ණ දර්ශනයක් ලෙස ආසියාතික රටවල් අතර පුළුල්ව ව්‍යාප්තවීමට බලපෑ ප්‍රධානතම හේතුවක් වනුයේ බුදු දහමේ අන්තර්ගතය වන හික්මීමකින් යුතුවීමත් සෙසු සමකාලීන ඇදහිලි සමග මනා සංහිඳියාවෙන් යුතුව පැවතීමට බුදු දහම සතු අද්විතීය හැකියාවයි. නැගෙනහිර අග්නිදිග හා මධ්‍යම ආසියාතික බොහෝ රටවල් බුදුදහමට අනුග්‍රහය දක්වමින් රාජ්‍ය ආගමක් ලෙස පිළිගැනීමට අතීත රාජ්‍ය නායකයන් පෙළඹුණේ ඒ හෙයිනි.

 සියවස් ගණනක් පැරණි සංස්කෘතිකමය සම්ප්‍රදායක් පැවැති රටවල්වල පැවැති මතධාරී දර්ශනයන් සමග වුවද උදාහරණයක් ලෙස ජපානයේ ෂින්තෝ්වාදයත් චීනයේ ටාඕවාදය, කොන්ෆියුසියානු දහම සමගද ඝර්ෂණයක් ඇති නොවන පරිදි සමකාමී ලෙස එකී සමාජ සංස්ථාවන්ට අනුගත වීමට සමත් වූ බුදු දහමට දකුණු සයිබිරියාවේදී (බුර්යාටියා හා තුවා) හා කැල්මයිකාහීදී ගෝත්‍රික සංස්කෘතීන් හා සමග ද කදිමට පෑහීමට සමත් වූයේ එහි අන්තර්ගත වූ මධ්‍යස්ථ මතධාරී දර්ශනය හේතුවෙනි.

සෙසු සමකාලීන ධර්මයන් සමග ගැටීමේදී සිය චරිතානුරූපී හික්මීම හා ඉවසිලිවන්ත ආකල්පත් පෙරදැරිව එකී වාර්ගික සම්ප්‍රදායන් හා චාරිත්‍රවිධි පිළිබඳ වැදගත් සිතින් පසුවීම නිසාවෙන් මුල්කාලීන ආගම් හා සමග යහපත් බන්ධුතාවක් ගොඩනගාගන්නා ලද බුදු දහමේ එකී ඇතැම් ආදී සම්ප්‍රදායන්වල ලාංඡනයක් අදටද ඉතිරිව තිබෙනු දැකගත හැක. කෙසේ නමුදු අන් ධර්මයන් හා බුදු දහම අතර පැවැති මෙකී සහයෝගිතාව ක්ෂණයකින් ඇති වූවක් නොව ශ.වර්ෂ හතරක කාලයක් මුළුල්‍ලේ කාලයාගේ විවිධ අභියෝගයන්ටත්, විභගයන්ටත් මුහුණදීමෙන් ඇති කර ගන්නා ලද්දකි.

දහනව වන සියවසේ මැදභාගය වන විට රුසියානු ප්‍රාචීන අධ්‍යයනයන්ගේ නව අංශයක් පිබිදියේ, දර්ශනය තර්ක ශාස්ත්‍රය, ඉතිහාසය, සංඝ පද්ධතීන් යානාදී බුදු දහමේ සියලුම අංග ආවරණය කෙරුනු බුද්ධ විද්‍යාව නමැති නව විෂය ක්ෂේත්‍රයක් උපත සනිටුහන් කරමිනි. රුසියාවෙන් බිහිවූ ප්‍රථම බුද්ධවේදීන් වනුයේ චීනය, තිබ්බතය, මොංගෝලියාව හා මැංචූරියාව පිළිබඳ විශේෂඥයෙකු වූ වී.පී. වැඩිලියෙව් (1818-1900) හා ඉන්දියාව සංස්කෘත හා පාලි භාෂා පිළිබඳ විද්වතෙකු වන අයි.පී. මිනායෙව්ය. (1840-1900) ඔවුන්ගේ සිසුහු විසින් පසුකාලීනව පිහිටුවන ලද ප්‍රාචීන අධ්‍යයනය උදෙසා වූ රුසියානු විද්‍යාලය ලොව ඇති එබඳු ගණයේ ප්‍රබලම අධ්‍යයන කේන්ද්‍රයකි. එය පිහිටුවීමේ පුරෝගාමියෙකු වූ එස්.එෆ්. ඕල්ඩන්බර්ග් පරිවර්තික හා මුල් බෞද්ධාගමික ‍ලේඛන ඉදිරිපත් කෙරෙන බිබ්ලි යෝතෙකා බුඩිකා ග්‍රන්ථ මාලාව සම්පාදනය කිරීම ඇරඹූ අතර 1937 වසර තෙක් එය ක්‍රියාකාරීව පැවතුණේ පරිවර්තිත බෞද්ධ ‍ලේඛන සමූහයක් ඇතුළත් ග්‍රන්ථ තිහක් ප්‍රකාශයට පත් කරමිනි. පසුකාලීනව එනම් 1965 සිට he Literary Monuments of the East ප්‍රකාශයට පත් කිරීම ඇරඹි අතර එය වර්තමානය දක්වා ක්‍රියාත්මකය. සෝවියට් රුසියාවේ බෞද්ධ පැවිද්දන් උදෙසා වූ ප්‍රඥාප්තිය 1946 දී ස්ථාපනය කරන ලද අතර පෙරෙස්ටේ‍රායික් අවධිය එළැඹෙන තෙක් බෞද්ධාගමික පන්සල් ආශ්‍රිත කටයුතුවල පාලනය එමගින් සිදු කෙරිණි.

ප්‍රියන්ති රුද්‍රිගු

Read More

මෙක්සිකෝවෙන් හමුවූ (පිටසක්වල ජීවී) මානව කපාලය

බැලූ බැල්මට රිඩ්ලි ස්කොට්ගේ ‘Alien’

ගණයේ චිත්‍රපටයකට වස්තු බිජය සපයන කතා තේමාවකට උචිත යැයි හැඟී යන මේ අපූරු හිස්කබල, පිටසක්වල ජීවියෙකුට අයත් වූවක් නම් නොවේ. මෙක්සිකෝවේ, ඔහාවාස් ගම්මානයේ පිහිටි පැරණි සුසාන භූමියකින් සොයා ගන්නා ලද වසර දහසක් පැරණි මෙම මානව හිස්කබල කපාල විකෘතිතාවකින් පෙළුණු ආදි මානවයෙකුගේ වන අතර කපාලයේ හැඩය වෙනස් කිරීම සඳහා හිස්කබල බන්ධනය කිරීමේ පුරාණ සම්ප්‍රදාය පෙන්නුම් කරමින් මෙක්සිකෝවෙන් හමුවූ එබඳු ගණයේ පළමු හිස්කබලද වන බවක් කියැවේ.පූජාකර්ම සඳහා මෙන්ම එක් ජනකොට්ඨාසයකින් තවෙකක් වෙන්කර හඳුනාගැනීම සඳහාද පුරාණ මෙකො ඇමෙරිකානු සංස්කෘතීන් තුළ කපාල විකෘතිතාවන් යොදාගැනීම සුලබ පිළිවෙතක් විය. සුසාන භූමියෙන් සොයාගන්නා ලද ඇටසැකිලි විසිපහෙන් දහතුනකම මෙසේ ඕනෑකමින් ඇති කරන ලද කපාල විකෘතිතාවන් දැකගත හැකි අතර ඊට අමතරව, දන්ත විකෘතිතාවන් සහිත ඇටසැකිලිද එහිදී සොයාගැනීමට හැකිවීම විශේෂයකි. උතුරුදිග මෙක්සිකෝවේ විසූ විවිධ ජන කණ්ඩායම් අතරවූ සංස්කෘතීන්ගේ කදිම සංකලනයක් මෙම සුවිශේෂී කැණීම මගින් හෙළිදරවු කරගැනීමට හැකිවූ බව පුරාවිද්‍යාඥ ‘ක්‍රිස්ටිනා ගාෂියා මොරේනෝගේ’ අදහසයි.
මෘත ශරීරවලින් බොහොමයක් කැලිෆෝනියානු බොක්ක ආශ්‍රිතව දැකගැනීමට හැකි සිප්පි හා බෙලිකටු ඇසුරෙන් තැනූ වළලු, නාස්මුදු වැනි ආභරණ පැළඳ සිටියදීම මිහිදන් කෙරී ඇති අතර එහිවූ එක් ඇටසැකිල්ලක උදරය මත තැන්පත්කොට තිබූ දැවැන්ත කැස්බෑකටුව විශේෂ අවධානයට බඳුන්ව තිබිණි.
ඇරිසෝනා ප්‍රාන්ත විශ්වවිද්‍යාලය වෙනුවෙන් කැණීම් ව්‍යාපෘතිය මෙහෙයවන ලද පුරාවිද්‍යාඥ මොරේනෝ ප්‍රකාශ කරන අන්දමට මෘත ක‍ලේබරයන්හි දැකිය හැකිවූ දන්ත විකෘතිතාවන් වැඩිවියට පත්වීමේදී සිදුකළ චාරිත්‍රයක ප්‍රතිඵලයක් වන අතර විශේෂයෙන් ‘නයාරිට්’ වැනි සංස්කෘතීන් තුළ මෙය ප්‍රකටව පැවැති සම්ප්‍රදායකි. කපාල විකෘතිතාවන් ඇති කිරීමේ අරමුණින් සිදුකරන ලද කපාල බන්ධනයන්හිදී (බැඳීම) ළදරුවකුගේ උපතින් මාසයක් වැනි කෙටි කාලයක් ඇතුළතදී එනම් අස්ථි තවමත් මෘදු තත්ත්වයේ පවතිද්දීම කපාලය පැතලි කිරීම සඳහා පීඩනයකින් යුතුව හිසට දැව පටි තබා බැඳීම සිදුකර ඇත.

 සමාජ තත්ත්වය හැඟවීමේ සලකුණක් ලෙස අනුගමනය කරන ලද මෙම අතිශය අන්තරාකාරී පිළිවෙත හේතුවෙන් බොහෝ දරුවන් අඩු වයසින්ම මරුමුවට පත්ව ඇති බව සොයා ගැනීමට ලැබි ඇති මෘතශරීර සාක්ෂි දරයි.

ප්‍රියන්ති රුද්‍රිගු

Read More

අන්‍යාගමිකයන් විසින් බෞද්ධ සිද්ධස්ථාන ආක්‍රමණය අද මෙරට නිතර අසන්නට ලැබෙන මාතෘකාවකි. සිංහල බෞද්ධයෝ ඊට විරුද්ධ වෙති. එහෙත් ඇතැමුන් පවසන්නේ එසේ විරුද්ධ වීම බෞද්ධයන්ට සුදුසු නොවන බවය. වඩාත්ම හාස්‍යජනක කාරණය නම්, අන්‍යාගමිකයන් ද අද මේ ගැන බෞද්ධයන්ට බණ කියන්නට පටන් ගැනීම ය. එම නිසා, මෙවැනි සිද්ධියක දී බුදුරජාණන් වහන්සේ කෙසේ ක්‍රියා කරත් ද යන්න බෞද්ධයන්ට ඉතා වැදගත් කරුණකි. මෙම ජාතක කතාව දේශනා කිරීමට පදනම් වන්නේ දෙව්රම් වෙහෙර (ජේතවනාරාමය) අසල තීර්තකාරාමයක් ඉදි කිරීම සම්බන්ධ සිද්ධියකි. එම කතාව මෙසේය. ----------------------------------- 

බුදුහිමියන් දෙව්රම් වෙහෙරෙහි වැඩ සිටියදී බුදුහිමියන්ගේ අසිරිමත් වූ බුදුගුණ අරබයා දෙව්රම් වෙහෙරට බොහෝ ජනයා මතු නොව දෙවි බඹුන් පවා රැස් වී තම ගැටලු නිරාකරණය කර ගනිමින් සැනසීමට පත් වූ බව පැහැදිලි ය. මේ නිසා සිදු වූයේ තීර්ථකාරාම වෙත ගිය පිරිස් තීර්ථකයන් අත්හැර දැමීමයි. තීර්ථකයන්ට ලද ලාභ සත්කාර සියල්ල මේ නිසා අහිමි විය. මෙයින් පිරිහිණු තීර්ථක පිරිසක් කල්පනා කළේ ජනයා තමන් හැර දමා දෙව්රම් විහාරයට ඇදෙන්නේ බුදුන්ගේ විශේෂතාවක් නිසා නොව දෙව්රම් වෙහෙර පිහිටි භූමියෙහි විශේෂතාවක් නිසා බවයි. එසේ සිතූ තීර්ථකයෝ දෙව්රම් වෙහෙර අසලින් ම තමන් ද ආරාමයක් තැනීමට සිතා කොසොල් රජ තුමාට මසුරන් ලක්‍ෂයක් අල්ලසක් ලෙස ප්‍රදානය කොට මේ සඳහා අවසර ලබා ගත්හ.

 විශාල පිරිසක් කාර්මිකයන් ද සමඟ පැමිණි තීර්ථක කණ්ඩායම මහා හඬ නංවමින් කෑ කෝ ගසමින් ආරාමය ඉදි කරන්නට වූහ. මීට පෙර නො ඇසූ කෝලාහලයක් ඇසූ බුදුපියාණෝ ඒ බව අනඳ තෙරුන්ගෙන් දැන වහාම රජුට දැනුම් දී එය නතර කරන්නැයි වදාළහ. මසුරන් ලක්‍ෂයේ බලය කෙතරම් ද යත් අනඳ තෙරුන් ප්‍රධාන භික්‍ෂුන් රජ ගෙට වැඩ මේ පිළිබඳ පැමිණිලි කිරීමට බලා සිටිය ද රජතුමා මැදුරෙහි නැතැයි, ආරක්‍ෂකයෝ පිළිතුරු දුන්හ. දෙවැනි දින සැරියුත් මුගලන් දෙනම මෙසේම රජ ගෙට වැඩ පැමිණිලි කිරීමට බලා සිටිය ද පෙර දිනම මෙන් රජතුමා ඉදිරියට නොපැමිණ මඟ හැර සිටියේ ය. තුන්වන දින තමන් වහන්සේ ම ගැටලුවට මුහුණ දිය යුතුයි සිතා බුදුරජාණන් වහන්සේ ම භික්‍ෂු පිරිස ද සමඟ රජ ගෙදරට පිඬු සිඟා වැඩියහ. රජ ගෙදර දානය පිළිගත් බුදු හිමියෝ දානය වළඳා ආපසු වෙහෙරට නොයා රජ මිදුලෙහි පසෙකට වී වැඩ සිටියහ. රජතුමාට තවදුරටත් සැඟවී සිටිය නොහී බුදු හිමියන් හමුවට පැමිණි අතර, එහිදී තීර්ථකයන්ගේ ආරාමයට බුදු හිමියන් තම විරෝධය ප්‍රකාශ කළේ පෙර රජවරුන් අල්ලස් ලබා තාපසවරුන් දෙපිරිසකට කළ විපතක් හෙළිදරව් කෙරෙන භරු ජාතකය රජුට දේශනා කරමිනි. 

 පෙර බරණැස බෝසතාණන් වහන්සේ තාපස පිරිසකට නායකත්වය දී ඉපදුණහ. වැසි කාලයෙහි නගරයෙහි උතුරු වාසලෙහි පිහිටි නුග ගසක් පිරිවරා ඔවුහු වාසය කරති. මෙකල තවත් පන්සියයක තාපස පිරිසක් දකුණු වාසලෙහි එවැනි ම නුග ගසක් පිරිවරා වාසය කරති. වැසි සමය අවසන් වූ පසු හිමාලයට තාපස දෙපිරිස ගමන් කරති. එක් වැසි සමයක් උදා වූ විට දෙවන තාපස පිරිස තම නුගය සොයා පැමිණියත් එය ඉදිරී බිම වැටී විනාශ වී ගොස් තිබුණි. ඔවුහු පළමු තාපස පිරිස සිටි උතුරු වාසල නුගය තම වාසය පිණිස තෝරා ගත්හ. එවිට පළමු තාපස පිරිස වනයේ සිට තම පැරණි නුගය සොයා පැමිණිය ද අනෙක් පිරිස එය අල්ලා ගෙන සිටිනු දැක එසේ කළේ මන්දැයි විමසා සිටියේ ය. අප පෙරාතුවම පැමිණි හෙයින් මෙහි නතර වූහ’යි ඔවුහු කීහ. ආපසු වෙනත් තැනකට යාමට නොහැකි බව ද කීහ. මෙසේ මේ දෙපිරිස අරගල කරන්නට වූහ. අවසන දෙපිරිස ම ගොස් රජුට පැමිණිලි කළහ.

 සාධාරණ විනිශ්චයක පිහිටි රජු පළමු තාපස පිරිසට නුගය පවරා දුන්හ. එයින් පරාජිත වූ දෙවන තාපස පිරිස නුගය ලබා ගැනීමට උපක්‍රමයක් සිතන්නේ රජුට අල්ලසක් දීමට තීරණය කළෝ ය. එය රනින් කරන ලද යානාවකි. එය රැගෙන ගොස් රජුට දී සතුටු කොට නුගය තමන්ට පවරා දෙන්නැයි ඉල්ලූහ. අල්ලසින් අගතියට පැමිණි රජතුමා නුගය දෙවන තාපස පිරිසට අයත් බව ප්‍රකාශ කළේ ය. රජුගේ අමනෝඥ තීරණය හමුවේ තාපසවරු නුගයට අරගල කළහ. කිසිවකුට එයින් ජයග්‍රහණයක් ලැබිය නොහැකි වූ අතර අවසන තාපස දෙපිරිස ම කලකිරී ආපසු හිමාලයට පිටත්ව ගියහ.

 තවුසන්ගේ ගැටලුවක් හමුවේ රජු අදහැමි පිළිවෙතින් ක්‍රියා කිරීමේ ප්‍රතිඵලය වූයේ ඒ ප්‍රදේශය අරක් ගෙන සිටි දෙවිවරුන් කෝපයට පත්වීමයි. දේවකෝපය හැම කල්හි ම මනුෂ්‍යයනට විපත් ගෙන දෙයි. මේ අසත්පුරුෂ රජුන්ට දඬුවම් පමුණුවන්නට සිතූ දෙවිවරු මුහුද ගොඩ ගලන්නට සලස්වා රජුගේ අණසක පැවති රාජ්‍යය විනාශ කර දැමූහ. එයින් බොහෝ මනුෂ්‍යයෝ නිරපරාදේ ම විපත්තියට පත් වූහ. මේ අතීත කථාව ගෙනහැර දැක්වූ බුදුපියාණන් වහන්සේ කොසොල් රජුගේ අල්ලස් ක්‍රියාවේ බිහිසුණු බව පළ කළහ. එයින් බියට පත් රජතුමා ඝර්ථකාරාමය ඉදිකිරීම වහාම නතර කරවා බුද්ධ ශ්‍රාවකයන්ට නිසි සේ නිහඬව දහමෙහි නියැළෙන්නට මඟ සැලසීය.
---------------------------------------------
කතාව උපුටා ගත්තේ පූජ්‍ය අගලකඩ සිරිසුමන හිමියන් විසින් සිළුමිණ පුවත්පතට ලියන ලද "බෝසත් කථා පෙළ නැවත කියවමු" ලිපි පෙළෙහි එක් ලිපියකිනි. (http://www.silumina.lk/punkalasa/20110501/_art.asp?fn=ar1105015)

Read More

නීති විභාගයත් හලාල් ක්‍රමයට!

වග විභාගයකින් තොරව රටේ සිදුවන වැඩ අතරට අලුතෙන්ම එක්‌වී ඇත්තේ නීති විද්‍යාල ප්‍රවේශ විභාගයේ ප්‍රතිඵලය පිළිබඳව තිබෙන චෝදනාවය. විශේෂත්වය වී ඇත්තේ මෙය වර්ගවාදය සවිමත් කිරීම සඳහා ගෙන යන ව්‍යාපාරයක අවශ්‍යතාවක්‌ ලෙස සාධක ගොනු වී චෝදනාව එල්ල වීමය.

නීති විද්‍යාල ප්‍රවේශ විභාගය සැලකිය හැක්‌කේ රටේ තිබෙන වෘත්තීයමය අංශයේ ප්‍රධාන තරගකාරී විභාගයක්‌ ලෙසය. නීතිඥයකුවීම සඳහා විශ්වවිද්‍යාල ප්‍රවේශයෙන් තොරව ඇතුළුවිය හැකි එකම මඟ වීමත් වයස්‌ සීමාවකින් තොරව ඉක්‌මනින්ම නීතිඥ වෘත්තියට පිවිසීම සඳහා තිබෙන එකම ඉඩ ප්‍රස්‌ථාව මෙය වීමත් හේතුවෙන් එයට තිබෙන අගය වැඩිවී ඇත. වෘත්තීන්හි යෙදෙන්නන් බහුතරයක්‌ විසින් තමන්ගේ අනාගතය සඳහා තවත් අවස්‌ථාවක්‌ සේම, දැනට නිරත වන වෘත්තියේ අවශ්‍යතාවන් වෙනුවෙන් ද නීතිඥයකු වීමට මෙම අවස්‌ථාව උපයෝගී කරගෙන තිබේ. සමහර ශිෂ්‍යයන් නීති විද්‍යාල ප්‍රවේශ විභාගය සඳහා සූදානම් වීමට සිය රැකියාවෙන් නිවාඩු නොලැබෙන විට අස්‌වූ අවස්‌ථාද බහුලය. සමහරුන් මෙම විභාගය සඳහා මුහුණදී තිබෙන අවස්‌ථා ගණන අටත් දහයත් තරම් ඉහළය. එවැනි තරගකාරී විභාගයක්‌ සඳහා විශේෂයෙන්ම රටේ නීතිය ක්‍රියාත්මක තලයට ගෙන ඒමේදී වැදගත් කාර්යයක්‌ ඉටු කරන නීතිඥයකු වීමට අධ්‍යාපනය ලැබීම සඳහා ඇතුල් කර ගන්නා විභාගයේදී අවනීතියටම යට වීම සුළු පටු කාරණයක්‌ නොවේ.

මෙම විභාගය සඳහා සාමාන්‍යයෙන් අටදාහක්‌ තරමේ පිරිසක්‌ පෙනී සිටින අතර ඉන් තෝරා ගන්නේ 225-250 ක්‌ අතර පිරිසක්‌ය. නීති විද්‍යාලයේ පාලනය සිදු වන්නේ සංස්‌ථාගත නීති අධ්‍යයන සභාව මගින් වන අතර මේ සඳහා වන ප්‍රශ්න පත්‍රය සැකසීමේ කටයුතු සිදුකරන්නේ නීති අධ්‍යයන සභාව වන අතර එහි ඉතිරි විභාග කාර්යයන් සිදු කරන්නේ විභාග දෙපාර්තමේන්තුව මගිනි. සංස්‌ථාගත නීති අධ්‍යයන සභාවේ සාමාජිකයන් ලෙස නිල බලයෙන් අගවිනිසුරු, නීතිපති, අධිකරණ අමාත්‍යාංශයේ ලේකම්, සොලිසිටර් ජනරාල් තේරීපත් කරන අතර විනිසුරුවරුන් දෙදෙනකුද ඊට ඇතුළත්ය. අධිකරණ ඇමැතිවරයා නම් කරනු ලබන සාමාජිකයන් හයදෙනකු හා නීතිඥ සංගමය නම් කරන සාමාජිකයන් දෙදෙනකුද ඊට ඇතුළත්වේ. නීති විද්‍යාලයේ විදුහල්පතිවරයාද එහි සාමාජිකයෙකි. නීති විද්‍යාලයත් එහි තෝරා ගන්නා පටිපාටිය සම්බන්ධයෙන්ද දෙපාර්තමේන්තුව සේම මෙම සාමාජිකයන්ගේද වගකීමක්‌ තිබේ.
ප්‍ර්‍රශ්නය මතුවී තිබෙන්නේ 2011 හා 2012 වර්ෂයේ පැවැත්වූ නීති විද්‍යාල ප්‍රවේශ විභාගයේ ප්‍රතිඵල සම්බන්ධයෙනි. මෙහිදී චෝදනා වී ඇත්තේ මෙම වසර දෙකේ අතිශයින්ම කැපී පෙනෙන ලෙස මෙම විභාගයෙන් මුස්‌ලිම් සිසුන් සංඛ්‍යාවක්‌ සමත් වීමය. (මෙය සනාථ කර ගැනීමට අදාල වගුව පසෙක දැක්‌වේ)
මෙම විභාගය භාෂා මාධ්‍ය තුනෙන්ම පවත්වනු ලබන අතර ඉංගී්‍රසි හා දෙමළ මාධ්‍යයෙන් මේ සඳහා පෙනී සිටින බහුතරයක්‌ මුස්‌ලිම් සිසුන්ය. එහි භාෂා මාධ්‍යයෙන් ඉදිරිපත් වන මුස්‌ලිම් සිසුන්ගේ වර්ධනයක්‌ නොමැති වුවද එම භාෂා මාධ්‍ය දෙකෙන් මුස්‌ලිම් සිසුන් සමත්වීම මෙසේ කැපී පෙනෙන ලෙස ඉහළ ගොස්‌ තිබේ. 2010 සමග 2011 හා 2012 වසරේ සමත්වීම භාෂා මාධ්‍ය අනුව ගෙන බලන විට මෙම තත්ත්වය හොඳින්ම පැහැදිලි කර ගත හැකිය.

2012 විභාග ප්‍රතිඵලයේදී පළමු, දෙවැනි හා තුන්වැනි ස්‌ථානය ඉංග්‍රීසි මාධ්‍යයේ මුස්‌ලිමුන් විසින් ලබාගෙන තිබීමත් එහි පළමු වැන්නා හා දෙවැන්නා එක ළඟ අංක පිහිටා තිබෙන අය වීමත් යන සාධක විසින් මෙය මුස්‌ලිම් වර්ගවාදයේ තවත් ව්‍යාප්තියක්‌ද යන සැකයට හේතුවී තිබේ.මෙම සැකය වර්ධනය වන්නේ පසුගිය කාලය පුරාම ශ්‍රී ලංකා මුස්‌ලිම් කොංග්‍රසය විසින් කරගෙන යන ලද වර්ගවාදී කර්තව්‍යයන් අනුව කල්පනා කිරීමේදී ය.එම පක්‍ෂය දේශපාලනයේ නිරත වන්නේම මුස්‌ලිම් වර්ගවාදය සුපෝෂණය කිරීම වෙනුවෙනි. එහි නායකයන් අමාත්‍ය තනතුරු දැරූ සෑම අවස්‌ථාවකදීම එම අමාත්‍යාංශයන්හි පොදු තත්ත්වය බවට පත් වූයේ ඒවා මුස්‌ලිම් වර්ගවාදයේ ව්‍යාපෘති සඳහා බඳුන් වීමය. ඒ. එච්. එම්. අෂ්රොෆ්ට මෙන්ම රාවුෆ් හකීම්ටද එම චෝදනා පොදු විය. රාවුෆ් හකීම් අධිකරණ ඇමැතිවරයා බවට පත්වීමත් සමග පසු පවත්වනු ලැබූ විභාග දෙකේදීම නීති විද්‍යාලයට මුස්‌ලිම් සිසුන් බහුතරයක්‌ සමත්වීමේ රහස දක්‍ෂතාවය නොව වර්ගවාදී ක්‍රියා පිළිවෙත බවට සැක කළ හැක්‌කේ මෙම අතීත තත්ත්වයන්ද සැලකිල්ලට ගෙනය.

ප්‍රතිඵල නිකුත් කිරීමේ විනිවිදභාවයද 2011 හා 2012 වසර වලදී තිබෙන්නේ පහළ තත්ත්වයකය. 2010 වසර තෙක්‌ නීති ප්‍රවේශ විභාගයේ ප්‍රතිඵල නීති විද්‍යාලයේ දැන්වීම් පුවරුවේ පළකිරීම සම්ප්‍රදාය වූ අතර එම ලේඛනය තුළ අපේක්‍ෂකයාගේ

1. විභාග අංකය
2. සම්පූර්ණ නම
3. ලිපිනය
4. ස්‌ත්‍රී පුරුෂ භාවය.
5. විභාගයට පෙනී සිටි භාෂා මාධ්‍යය
6. ලබාගත් ලකුණු ප්‍රමාණය
7. හිමිකරගත් ස්‌ථානය

යන විස්‌තර ප්‍රදර්ශනය වූ අතර එය විනිවිදභාවයෙන් යුක්‌ත වූවක්‌ විය.
2011 විභාගයේ ප්‍රතිඵල නිල වෙබ් අඩවියේ ප්‍රසිද්ධ කළද එහි ද සිසුන්ගේ ලිපිනය ඉවත් කර තිබිණි. 2012 වන විට ලිපිනය හා විභාගයට පෙනී සිටි මාධ්‍යය යන දෙකම ඉවත් කිරීමත් සමග මතුවන තත්ත්වයකට කල් තබා යෙදූ පිළියමක්‌ ලෙස එය තේරුම් ගත හැකි ආකාරයක්‌ නිර්මාණය වී තිබිණි.

නීති ප්‍රවේශ ශිෂ්‍ය එකමුතුව විසින් මේ සම්බන්ධයෙන් අගවිනිසුරුවරිය වෙත යොමුකර තිබෙන ලිපියකදී විභාගය සම්බන්ධයෙන් ඇතිවී තිබෙන තත්ත්වය හා ඊට පිළියම් ලෙස පහත කරුණු මතුකර තිබිණි.
විභාග ප්‍රතිඵල මෙසේ ඇදහිය නොහැකි ආකාරයට වෙනස්‌ වීමට බලපෑ හැකි හේතූන් මොනවාද?

මෙවර අපොස සාමාන්‍ය පෙළ විභාගයේ විද්‍යාව ප්‍රශ්න පත්‍රය බාහිර පුද්ගලයන් අතරම පිටවූ ආකාරයට නීති ප්‍රවේශ ප්‍ර්‍රශ්න පත්‍රයද යම් පුද්ගලයකු හට පිටවී ඇති දැයි අප තුළ සාධාරණ සැකයක්‌ පවතී.
එසේම ප්‍රශ්න පත්‍රය පරිවර්තනය කරන අවස්‌ථාවේදී එය බාහිර පුද්ගලයකු හට අයථා ලෙස පත්වී ඇතිද යන්න හා පරිවර්තනයේදී දමිළ මාධ්‍ය සිසුන්ට වාසිදායක වන ආකාරයට එහි පරිවර්තන කටයුතු සිදුකර ඇති ද යන්න පිළිබඳව ද අප තුළ විශාල සැකයක්‌ පවතී.

මෙවර විභාගයේදී ප්‍රථම හා දෙවැනි ස්‌ථානය ලබාගෙන ඇත්තේ එකම ළඟ විභාග අංක ඇති මුස්‌ලිම් සිසුන් දෙදෙනකු වන අතර තෙවැනි ස්‌ථානයද මුස්‌ලිම් සිසුවෙක්‌ වීම තුළින් විභාගය පැවැත්වෙන අවස්‌ථාවලදී දෙමළ හා ඉංග්‍රීසි මාධ්‍ය සිසුන් සඳහා යම් ආකාරයක විශේෂ අනුග්‍රහයක්‌ ලබාදීමෙන් විභාග අක්‍රමිකතාවක්‌ සිදුවී ඇති බවට අප තුළ විශාල සැකයක්‌ ඇත.

විභාග ප්‍රශ්න පත්‍රය තුළ 2011 වර්ෂය තුළ හා ඊට පෙර දක්‌නට ලැබුණා සේම 2012 වර්ෂයේදීද සිංහල භාෂාවට පරිවර්තනය කිරීමේදී නොමඟ යවන සුලු හා පාඨමාලා ග්‍රන්ථයෙන් බැහැර වූ වචන යෙදූ ප්‍රශ්න විශාල ප්‍රමාණයක්‌ දක්‌නට ලැබුණු අතර එය ඉංග්‍රීසි මාධ්‍ය සිසුන්ට සිදු නොවූ සිංහල මාධ්‍ය සිසුන්ට පමණක්‌ සිදුවූ අසාධාරණ ක්‍රියාවකි.
තවද විභාග පිළිතුරු පත්‍ර අධ්‍යයනය කිරීමේදී සිංහල සිසුන්ට වඩා ලිහිල් ආකාරයෙන් දෙමළ හා ඉංග්‍රීසි මාධ්‍ය පිළිතුරු අධ්‍යයනය කිරීම සිදුකර ඇති බවත් සිංහල මාධ්‍ය සිසුන්ගේ ප්‍රතිඵල අසාධාරණ පිළිවෙතක්‌ යටතේ අධ්‍යයනයට ලක්‌කර ඇති බවටත් අප තුළ විශාල සැකයක්‌ ඇත.
එසේ නොමැති නම් විභාගය සඳහා ඉදිරිපත් නොවූ ශිෂ්‍යයන්ගේ නම් අයථා ආකාරයට ඇතුළත් කිරීමක්‌ කර ප්‍රතිඵල විකෘති කර ඇතිදැයි යන සැකය ප්‍රතිඵලවල දක්‌නට ලැබෙන විෂමතාවන් හේතුවෙන් අප තුළ මතුවී ඇත.මේ නිසා 2012 නීති විද්‍යාල ප්‍රවේශයේ ප්‍රතිඵල පිළිගත නොහැකි සහ අසාධාරණවූත්, වැරැදිසහගත වූත්, විකෘති ප්‍රතිඵලයක්‌ වන බවත් එය නීති ප්‍රවේශ විභාගයට සිංහල මාධ්‍යයෙන් ඉදිරිපත් වූ සිසුන්හට සිදුවූ බරපතළ අසාධාරණ ක්‍රියාවකි.

නීති විද්‍යාල ප්‍රවේශ විභාගය වැනි දැඩි තරගකාරී වූ විභාගයක්‌ සඳහා සිය ජීවිතයේ වටිනා අවස්‌ථාවන්, කාලය හා මිල මුදල් කැප කරමින් දිවයිනේ විවිධ ප්‍රදේශයන්ගෙන් කොළඹ ප්‍රදේශයට පැමිණ උපකාරක පංති සඳහා සහභාගිවී විභාගයට ඉදිරිපත් වූ සිසුන් වන අප මෙම ප්‍රතිඵලය පිළිබඳවද දැඩි වික්‌ෂිප්ත භාවයට පත්ව ඇති අතර එය මුළුමහත් සමාජයේම සැකයට තුඩු දෙන කරුණකි.
එසේම අධ්‍යාපනය සඳහා ඇති සමාන අවස්‌ථාවන් මේ තුළින් උල්ලංඝනය වී ඇති අතර භාෂාව හේතුවෙන් සිංහල මාධ්‍ය සිසුන්ට සිදුවූ වෙනස්‌කමත් ඉංග්‍රීසි හා දෙමළ මාධ්‍ය සිසුන්ට සිදුකර ඇති විශේෂත්වයත් හේතුවෙන් මෙම විභාගය සඳහා සිංහල මාධ්‍යයෙන් පෙනී සිටි 6500 ක්‌ පමණ වූ විශාල පිරිසකගේ මූලික අයිතිවාසිකම් උල්ලංඝනය වීමක්‌ සිදුව ඇත.

දැන් ප්‍රශ්නය වී තිබෙන්නේ නීති ප්‍රවේශ විභාගය මුස්‌ලිම් වර්ගවාදයෙන් ඔද්දල් වූවන්ගේ වුවමනාවට යට කරනවාද යන්නය.
මේ පිළිබඳව විධිමත් පරීක්‍ෂණයක්‌ පවත්වා ඒ සඳහා පළමු පියවර ආණ්‌ඩුව විසින් ගත යුතු යෑයි අප යෝජනා කරන අතර එසේ නොවුවහොත් ඊළඟ අදියරේදී නීති ප්‍රවේශ විභාගය ද වල්මත්වීම සිදුවනු ඇත.

- මනෝජ් අබයදීර / දිවයින

Read More

බි‍්‍රතාන්‍ය රජමැදුරුවල හොල්මන් සහ අවතාර

‘ඔටුන්න දරන හිසට සැනසිල්ලක් නොමැත්තේය’ යන පැරණි කියමන බි‍්‍රතාන්‍යයේ රාජකීයයන් අතර ප‍්‍රකටය. මෙවැනි ප‍්‍රකාශනයක වලංගු භාවය තහවුරු කර ඇත්තේ ඓතිහාසික රාජකීය මාලිගා  බොහොමයක ආදී කාලීන කිරුළු දැරූ රජවරුන්ගේ හා රාජිනියන්ගේ හොල්මන් සහ අවතාරවලින් මෙම මාලිගා දැනටද තොර  නොවන නිසාය. එංගලන්තයේ වත්මන් මහ රැජින, ඇගේ සොයුරිය වූ මාග‍්‍රට් කුමරිය මෙන්ම දිවංගත මව් රැජිනද මෙකී රාජකීය අවතාර සියැසින් දැක ඇති බව වාර්තා වී ඇත.

වෙර්ක්ෂයර් ප‍්‍රදේශයේ පිහිටි වින්ඞ්සර් මාලිගය තුළ ඇතැයි සැලකෙන පෞරාණික අල්මාරි රැසක් තුළ තැන්පත් කොට ඇතැයි කියනු ලබන විසිපහක් පමණ වූ මිනිස් ඇටසැකිලි අතර පූර්ව රාජ්‍යත්වය දැරූවන් සිව්දෙනකුගේ  ඇට සැකිලිද වෙතැයි කියැවේ. මාග‍්‍රට් කුමරිය විසින් පළමු වැනි එළිසබෙත් රාජිනිය ගේ අවතාරය දැක ඇත්තේද වින්ඞ්සර් මාලිගය තුළදීය. එංගලන්තයේ ටියුඩර් රාජ පරම්පරාවේ අවසන් වරට  කිරුළ දරා ඇත්තේ පළමුවැනි එළිසැබෙත් මහ රැජින විසිනි. ඇය මිය ගියේ 1603 දී ය.

රැජිනගේ අවතාරය බෙහෙවින් දර්ශනය වී ඇත්තේ මාලිගයේ පුස්තකාලය තුළදී යැයි කියනු ලැබේ. වාර්තාවන අන්දමට දිනක් මාලිගයේ ආරක්‍ෂක භටයෙක් රැජිනගේ අවතාරය පිටුපසින් පුස්තකාලය කාමරයේ දොරටුව දක්වා ගමන් කර ඇත. එහෙත් කාමරය තුළ සෝදිසි කළද  ඔහුට එහි කිසිවකු නොසිටි බව ප‍්‍රත්‍යක්‍ෂවී ඇත.

1649 වර්ෂයේදී පැවති සිවිල් යුද්ධ අවස්ථාවේ එරට පාර්ලිමේන්තුවේ සම්මුතියක් මගින් පළමුවැනි චාල්ස් රජුගේ හිස ගසා දමන ලද්දේ රජතුමා දේශද්‍රෝහී වූයේය යන චෝදනාව මතය. එම රජුගේ අවතාරයද ඉහත කී පුස්තකාලය තුළ වූ මේසයක් අසල සිටගෙන සිටිනු රජවාසල නිවැසියන් දැක ඇතැයි පැවසේ. තවද 1820 දී ජනවාරි 29 වැනි දින අභාවප‍්‍රාප්ත වූ තුන්වැනි ජෝර්ජ් රජුගේ අවතාරය අවස්ථා කීපයකදීම මාලිගාවේ සේවක සේවිකාවන් විසින් දැක ඇත. මෙම රජතුමාගේ ජීවිතයේ අවසාන කාලය එතුමන් මානසික රෝගියකු වශයෙන් කල් ගෙවූ බවත්  රජතුමා ජීවත්ව සිටියදී නිරතුරුව අසන ලදැයි කියනු ලබන ” මොකක්ද ? මොකක්ද?” යන ප‍්‍රශ්නය මාලිගයේ කාමර සිසාරා බොහෝ අවස්ථාවල රැුව්දුන් බවද කියනු ලැබේ.

දැවැන්ත ශරීරයකින් හෙබිව සිටි එංගලන්ත රජකු වූ අටවැනි හෙන්රි රජුගේ අවතාරයද මාලිගය පුරා කරක්ගැසූ බවට වාර්තා වී තිබේ.  1977 තරම් මෑත යුගයේ දී ද රාජකීය අවි ගබඩාවේ මෙම රජුගේ අවතාරය සැරිසරා ඇත. ආරක්‍ෂක භටයන් දෙදෙනකු  විසින් එකවර  දැක ඇතැයි පැවසෙන එකී දසුනේ දී අවිගබඩාවේ එක් බිත්තියක් මධ්‍යයෙන් රජතුමා පිටවී ගිය ආකාරයක් ඔවුන් විසින්  දක්නා ලදැයි පැවසේ. එම ඉසව්වෙහි කිසිදු දොරක් හෝ කවුළුවක් නොතිබුණු බවද කියනු ලැබේ. කරුණු එසේ වුවද පසුව සොයා ගනු ලැබූ ඓතිහාසික සාධකවලට අනුව ඔප්පු වී ඇත්තේ රජතුමා ජීවත්ව සිටි  අවධියෙහි අවි ගබඩාවේ එම ස්ථානයේ දොරටුවක් තිබුණු බවකි.

වින්ඞ්සර් මාලිගයෙහි රාජකාරි කළ තරුණ ආරක්‍ෂක භටයෙක්  1927 දී සියදිවි හානි කරගෙන ඇත. පූර්ණ නිල ඇඳුමෙන් සැරසීගත් මෙම භටයා ආයුධ සන්නද්ධව, මාලිගයේ දීර්ඝ කොරිඩෝව දිගේ ගරු ගම්භීර ලෙස ඇවිදගෙන එන ආකාරය සියැසින් දුටු ජීවමාන ආරක්‍ෂක භටයන් කීප දෙනකුම වී යැයි කියනු ලැබේ. ඔවුන් ගෙන් බොහෝ දෙනකු එම අවස්ථාවල සිතාගෙන ඇත්තේ තම සේවා මුරය අවසන් කරවීම සඳහා එසේ පැමිණෙනුයේ ඊළඟ සේවා මුරය භාරගන්නා භටයා ලෙසටය. එහෙත් වැඩිකල් නොයාම එය මියගිය ආරක්‍ෂකයාගේ අවතාරය බව තහවුරු වී ඇත.

වින්ඞ්සර් මාලිගා උද්‍යානය හරහා ගලායන ශීත දිය පහර අසල මුර සේවයේ  යෙදී සිටි සෙබළෙක් 1976 දී අමුතු ආකාරයේ හොල්මනක් දැක සිහි මුර්ජාවට පත්වී පියවි සිහිය එළඹෙන තෙක් විවිධ ප‍්‍රථමාධාරවලට ලක්කරනු ලැබූ ඔහු පසුව ප‍්‍රකාශ  කර ඇත්තේ ”හර්න්” නමැති දඩයක්කාර දේවතාවා ඔහු විසින් දක්නා ලද බවය. මුව සමෙන් පිළියෙල කරන ලද වස්ත‍්‍ර ඇඟලා සිටි ”හර්න්” හෙල්මටයක් වැනි  ශිර්ෂ පළඳනාවක් දරා සිටියද ඔහුගේ නළල් තලයෙන් පිටතට නෙරාගිය අං  තට්ටුවක්ද තිබූ බව සෙබළා විසින් පවසනු ලැබ ඇත.

බි‍්‍රතාන්‍යයේ නිෂ්පාදනය කරනු  ලැබ ශ්‍රී ලංකාවේද විකාශය වූ ”රොබින් හුඞ්” ටෙලිනාට්‍යයේ මෙම ”හර්න්”  නමැති වන අධිපති දේවතාවා පැහැදිලි ලෙස නිරූපනය වීය. ඉකුත් වසර දෙසිය පනහ මුළුල්ලේම වින්ඞ්සර් මාලිගය තුළ සහ අවට ”හර්න්” ගේ අවතාරය දුටු බවට වාර්තා වූ  අවස්ථා බහුලය. මාලිගා භූමිය සිසාරා හර්න් ගේ අවතාරය දඩයක්කරුවකුගේ විලාශයෙන් දිව යනුයේ බියකරු දඩ බල්ලන් රැළක්ද සමගින් බව ඇතැමුන් පවසා තිබේ.

මෙම දඩයක්කරුවා මිය ගියේ යැයි  සැලකෙනුයේ  ඕක් ගසක එල්ලීම නිසා යැයි ජනප‍්‍රවාදයක් ඇත. 1863 දී එම  ඕක් ගස කපා බිම හෙළන ලදුව එම අවස්ථාවේදී වික්ටෝරියා මහ රාජනීය එම ගසේ දර ස්වකීය පෞද්ගලික පාවිච්චිය සඳහා වෙන් කරවාගෙන ඇත. තමන් කෙරේ එල්ල විය හැකි භූත බිය පහ කරවීම පිණිස එසේ කරන ලද බව ද පැවසේ. එහෙත්  ඕක් දර දැවීමෙන් පසුවද භූතයා දෘශ්‍යමාන වීම නතර නොවූ බවද කියනු ලැබේ.

17 වැනි සියවසේ සිදුවූ භූත සිද්ධියක් මෙසේය. සර් ජෝර්ජ් විලියර්ස් නම් වූ රාජකීය ප‍්‍රභූවරයෙක් දිනක් මාලිගයේ නතර වී සිට ඇත. හදිසියේ ඔහු වෙත දිව ආ පාකර් නමැති සේවකයා පවසා ඇත්තේ එම ප‍්‍රභූවරයාගේ මියගිය පියා පූර්ණ සන්නද්ධ ඇඳුම් ආයිත්තමින් සැරසී අවස්ථා තුනකදී මාලිගයට පැමිණ ඇති බවය. බකිංහැම්හි ආදිපාද ධුරය ද දැරූවකු වූ එම ප‍්‍රභූවරයාගේ මෙම අවතාරය විසින් දෙන ලදැයි කියන විශේෂ පණිවුඩයක්ද වීය. ”ස්වකීය පුත‍්‍රයා වන ශ්‍රීමත් ජෝර්ජ් විලියර්ස් අනුගමනය කරමින් සිටියේ යැයි කියන කෲර කි‍්‍රයා පරිපාටිය වහාම වෙනස් නොකළේ නම් ඔහුට වැඩි කලක් යහතින් ජීවත්වීමට නොලැබෙනු ඇත” යන්න එකී පණිවුඩයයි. එහෙත්  ජෝර්ජ් විලියර්ස් එම අනතුරු ඇඟවීම අවඥාවෙන් බැහැර කළ අතර ඊට මාස හයකට පසුව සාහසිකයකු විසින් ඝාතනය කරනු ලැබූ බවද වාර්තා වී ඇත.

කැතරින් හොවාඞ් නමින් බි‍්‍රතාන්‍ය රාජකීය ඉතිහාසයේ සඳහන් වනුයේ අටවැනි  හෙන්රි රජුගේ බිසෝවරුන් හයදෙනාගෙන් පස්වැනි රැජිනය. කාඩිනල් තෝමස් වුල්සේ නම් බි‍්‍රතානය වාන්සලර්වරයා විසින් තේම්ස් නදී තීරයෙහි ඉදිකොට රජුට ප‍්‍රදානය කරන ලද හැම්ප්ටන් මාලිගය අද දක්වාම කැතරින් හොවාඞ් රැුජිනගේ අවතාරය හොල්මන් කරන්නාවූ ස්ථානයකි. රජුගේ උදහසකට ලක්වූ කැතරින් බිසව 1542දී හිස ගසා මරවනු ලැබිණැයි බි‍්‍රතාන්‍ය ඉතිහාසයේ සඳහන් වෙයි. මාලිගය තුළ ඇති දේවස්ථානය දෙසට අඳෝනා නගමින් දිවයන බිසවගේ අවතාරය බොහෝ දෙනෙක් රාතී‍්‍ර  කාලයේදී දැක ඇත.

අටවැනි හෙන්රි රජුගේ බිසවුන් සයදෙනාගේ ජීව ප‍්‍රමාණ ප‍්‍රතිමා අලංකාර ලෙසට ප‍්‍රදර්ශනයට තබා ඇති වෝවික්ෂයර් මාලිගය දැනට  සංචාරකයන් සඳහාම පමණක් විවෘතව පවතී. ඇවොන් නදියෙහි ඉහළ ඉවුරේ වක්කලමක පිහිටි වෝර්වික් මාලිගය සම්පූර්ණයෙන් නැරඹීමේ අවස්ථාව මෙම ලිපිය සැකැසූ මම ලදිමි. මාලිගය බළකොටුවක ස්වරූපයෙන් ගොඩනැගූවකි. ශක්තිමත් පාෂාණය ප‍්‍රාකාරයෙකින් සහ නිරීක්‍ෂණ කුලූනුවලින්ද යුක්තය. උද්‍යානයක් බඳු මාලිගා  භූමියෙහි ආසියාතික මොණර පක්‍ෂීන් කීප දෙනෙක්ද නිදැල්ලේ සැරිසරනු දුටුවෙමි.

හැම්ප්ටන් මාලිගය තුළදී බොහෝ දෙනෙක් දැක ඇතැයි පැවසෙන තවත් රාජකීය අවතාරයකි අටවැනි හෙන්රි රජතුමාගේ තෙවැනි බිරිඳ වූ ජේන් සෙයිමෝර් ගේ අවතාර ය. දල්වන ලද ඉටි විලක්කුවක් අතැතිව යහන් ගැබින් නික්මෙන මෙම අවතාරය මාලිගේ ප‍්‍රධාන ශාලාව වටා ගමන් කිරීම ඔක්තෝබර් 12 වැනි දින රාති‍්‍රයේ සිදුවන්නක් ලෙස කලක් ප‍්‍රකටව පැවතී ඇත. එම දිනය දේවියගේ පුත‍්‍ර කුමාරයා වූ හයවැනි එඞ්වඞ් රජුගේ උපන් දිනය බවද කියනු  ලැබේ. කුමරුන්ගේ උපතින් සතියකට පසුව දේවිය මියගිය බව බි‍්‍රතාන්‍යය ඉතිහාසයයේ වාර්තාගත සත්‍ය කරුණුය.

ශාරීරික වශයෙන් දුර්වල  පුද්ගලයකු වූ එඞ්වඞ් කුමරා වයස අවුරුදු දහයෙහි දී කිරුළ පැළඳිය ද රාජ්‍යත්වයේ කල් ගෙවා ඇත්තේ ඉතා කෙටි කලකි. කුමාරයාගේ කිරි මව ලෙස සේවය කළ සීබෙල් පෙන් නමැති කාන්තාවගේ අවතාරය ද හැම්ටන් මාලිගය දැක ඇති බවට වාර්තා සුලභය. 1568 දී වසූරිය  රෝගයෙන් මියගිය මෙම රජවාසල සේවිකාවගේ දේහය  මාලිගය සමීපයෙහි පිහිටි ශාන්ත මරියා දේවස්ථාන භූමියේ මිහිදන් කරන ලද නමුත් අකුණු සැරයක් හේතුවෙන් මෙම දේවස්ථානය විනාශවීම නිසා ප‍්‍රතිසංස්කරණය කරනු ලැබ ඇත. එම කටයුතු අතරතුර සීබෙල්ගේ සොහොන්ගැබ ද වෙනත් ස්ථානයෙක පිහිටුවීමට තරම් රාජකීය අනුග‍්‍රහය ඇය වෙනුවෙන් ලබාදී තිබේ. එහෙත් ඉන්පසුව නිරතුරුවම දුක්බර අඳෝනා සහ කෙඳිරිලි මාලිගයේ බිත්ති පිටුපසින් ශ‍්‍රවණය වී ඇත.

මාලිගයෙහි එම ප‍්‍රදේශයෙහි පසුව කරන ලද ප‍්‍රතිසංස්කරණ කටයුතුවල දී කඩා දමනු ලැබු බිත්ති අත්තිවාරමක් විසින් නූල් කැටීමේ යන්ත‍්‍රයක සුන්බුන් හා ඉහත කී කාන්තාව විසින් පරිහරණය කරන්නට ඇතැයි  සැලකෙන භාණ්ඩ කීපයක්ද හමුවී ඇත. මාලිගයේ නිරිත දිග ශාලාවක් ඔස්සේ සීබෙල්පෙන් ”කිරි අම්මා” ගමන් කරනු කීප දෙනකු විසින්ම දැක ඇත. කෙට්ටු සිරුරකින් හෙබි සීබෙල් පෙන් දුඹුරු පැහැති දිග ගවුමක් සහ රෙදි තොප්පියක් පැළඳ සිටින අතර බැගෑපත් ආයාචන ඉරියව්වෙක විලාශයෙන් දෑත් ඉදිරියට විහිදුවාගෙන ගමන් කරන බවද දුටුවන් පවසා තිබේ. 1881 දී ආරක්‍ෂක භටයෙකු විසින් ද සීබෙල් අවතාරය දැක ඇත.

1917 වර්ෂයේ නවම් ශීතල සහිත රාති‍්‍රයක හැම්ටන් මාලිගයේ ආරක්‍ෂක රාජකාරි කළ පොලිස් කොස්තාපල්  (2657) වශයෙන් පමණක් හැඳින්වී ඇති ආරක්‍ෂකයා මාලිගයේ බිම්මහලේ එක්තරා ගේට්ටුවක් විවෘත කර ඇත්තේ රාජකීය  ආගන්තුක පිරිසක් වෙනුවෙනි. ඔවුන් අතර පිරිමි දෙදෙනෙක් සහ කාන්තාවන් හත්දෙනෙක් වූ අතර සැරසී සිටි ඇඳුම් ආයිත්තම් සියල්ල පෞරාණික ස්වරූපයක් ගත් ඒවා බව ප‍්‍රකාශ වී තිබේ. මෙම පිරිස ඔවුන් සඳහා විවර වූ ගේට්ටුවෙන් ඇතුළු වී කොරිඩෝව ඔස්සේ ගමන්කර  ඇත්තේ යාර 30ක පමණ දුරකි. අනතුරුව සියලූ දෙනාම කොරිඩෝවෙහි වූ අතුරු මගකට හැරුනා පමණි එකනෙකා අනුක‍්‍රමයෙන්  අන්තර්ධාන වී යැයි පොලිස් නිලධාරියා ප‍්‍රකාශ කර ඇත.

දෙවැනි එලිසබෙත් රාජිනියගේ විවේකස්ථාන වශයෙන් බකිංහැම් මාලිගය, වින්ඞ්සර් මාලිගය,  සැන්ඩි‍්‍රංහෑම් මාලිගය සහ ස්කොට්ලන්තයේ පිහිටි බැල් මොරල් මාලිගයත් පමණක් භාවිත කෙරේ. එහෙත් මේ එක් එක් මාලිගයකට ආවේනික හොල්මන් හා අවතාර ඇතතේ යැයි පැවසේ.

ජෝන් බ‍්‍රවුන් නමින් හැඳින්වූ විශ්වසනීය රජවාසල නිලධාරියාගේ අවතාරය දෙවැනි එලිසැබෙත් රාජනීය විසින් බැල්මොරල් මාලිගයේදී දක්නා ලද බවට කතා පවතී. වික්ටෝරියා බිසව වැන්දඹු තත්ත්වයට පත්වීමෙන් පසුව ඉහත කී පුද්ගලයා රැජිනගේ පෙම්වතා වශයෙන් සිටියේ යැයි කියනුයේ හොල්මන් කතාවක් නොවේ. කට කතාවකි. දණහිස දක්වා දික්වූ සායක් වැනි ඇඳුමක් ඇඳගත් ජෝන් බ‍්‍රවුන් මාලිගයේ කොරිඩෝ ඔස්සේ ගමන් ගන්නා වූ විලාශය ඔහුගේ මරණින් පසුව බොහෝ දෙනකු විසින් දැක ඇතැයි කියනු ලැබේ.

හැම්ප්ටන් මාලිගය

පළමු වැනි එලිසැබෙත් රැජින

පළමු වැනි චාර්ලිස් රජු

වින්ඞ්සර් මාලිගය

 අදහස්(4)  බැලූවෝ (6213)

Read More

සැඟවුණු මනරම් වනගත පෙදෙසක දිවි ගෙවන රාවණා පරපුරේ අන්තිම ලේ නෑයා හමු වුණෙමි

2012 දෙසැම්බර් 21 වැනි දින සිදුවෙතැයි කියූ ලෝක විනාශය පිළිබඳ අනාවැකි ප්‍රකාශ කරමින් මායා දින දර්ශනය නිර්මාණය කළ මායාවරුන්, අන් කිසිවකු නොව මහින්දාගමනයට පෙර ලංකාවේ පදිංචිව සිටි රාවණා පරපුර බවත්, මෙම රාවණා රජුගේ පසු පරම්පරාව අද වන විටත් ලංකාවේ පදිංචිව සිටින බවත් 'මව්බිම' පුවත්පත අනාවරණය කර සිටියි. 'මව්බිම' මෙම සුවිශේෂී හෙළිදරව්ව කරනු ලබන්නේ මේ පිළිබඳ සිදුකරන ලද දීර්ඝකාලීන ගවේෂණවලදී සොයාගත් ඉපැරැණි තොරතුරු සහ ජීවමාන සාක්ෂි මත පිහිටමිනි. අනාවරණය වූ එම කරුණු අනුව රාවණා රජුට පෙර පරම්පරා හතරක් තිබී ඇති අතර, එම පරම්පරා හතර ශෛනාර, මිථාන, මාලන්ති සහ සුමාලින්ති යනුවෙන් හඳුන්වා ඇත. එම පරම්පරා හතරෙන් පසු රජකමට පත් රාවණා හඳුන්වා ඇත්තේ විශ්ව කීර්ති ශ්‍රී රාවණා නොහොත් යගු කෞරාණමන්ඨක යන රාජ නාමයෙනි. මෙම රාවණා රජුට දාව උපන් පුත්‍රයා උපේන්ද්‍රමිණික වූ අතර, ඔහු රාවණා රජුගේ යුවරජු ලෙස රාජ්‍ය පාලනයේ යෙදී ඇත. උපේන්ද්‍රමිණිට පුතුන් දෙදෙනකු සිටි අතර, ඔවුන් හැඳින්වූයේ රවිශෛලාෂ මණ්ඨක සහ කේවේසත්ථාන මණ්ඨක යන නම්වලිනි. මෙම කාලය තුළ පසිදගිය මණ්ඨාල නම් ඔෟෂධ උයනක් රාවණා රජු උතුරේ පිහිටුවා තිබිණ. එම ඔෟෂධ උයන මුල්කරගනිමින් කේවේසත්ථ මණ්ඩක පදිගම නමින් රාජ්‍යයක් උතුරේ පිහිටුවනු ලැබුවේ රාවණා රජුගේ එක් මුනුපුරකු වූ කේවේසත්ථාන මණ්ඪක කුමරුවා විසිනි. රට මැදට වන්නට පිහිටි තවත් ඔෟෂධ උයනක් වූ අරවුද සෝත උයන මුල්කර ගනිමින් රවිශෛලාෂ මණ්ඨක කුමරු රාජ්‍යයක් පිහිටුවූ අතර, එම රාජ්‍යය හැඳින්වූයේ රවිශෛලාෂ මණ්ඨක පදියම හෙවත් ගිරිකාල මණ්ඨක පදියම යන නමිනි. මෙම රාජ්‍ය පිහිටි ස්ථානය වර්තමානයේ හඳුන්වනු ලබනුයේ රකුන්ගිරි හෙවත් රිටිගල කන්ද යන නමිනි. රාවණා රජුගේ පරම්පරා දෙකෙන් එකක් වූ කේවේසත්ථාන පරපුර ජීවත්වූයේ මුහුදුබඩ ප්‍රදේශය වාසස්ථාන කරගනිමිනි. නාවික තාක්ෂණය පිළිබඳ ඔවුනට හසළ දැනුමක් තිබූ අතර, පසු කලෙක ඔවුන් විදෙස් රටවල සංචාරය කරමින් එම රටවල් සිය වාසස්ථාන බවට පත්කරගනු ලැබිණ. මෙසේ පදිංචි වූ අය මායාකරුවන් ලෙස හැඳින්වුණු අතර, වර්තමානයේ ලෝකය පුරා කතාබහට ලක්වූ මායා දින දර්ශනය නිර්මාණය කළ මායාකරුවන් වූයේ ඔවුනගෙන් පැවැත ආ පරපුරයි. රාවණ රජුගේ අනික් පරම්පරාව වූ රවිශෛලාෂ පරපුරට ගුවන්යානා, වාරි වාපි කර්මාන්තය පිළිබඳ හසළ දැනුමක් තිබූ අතර, ඔවුන් ඒ අනුව ජීවිකා වෘත්තිය ගෙනගොස් තිබිණ. පසු කලෙක මෙම පරපුර දෙක අතර එකිනෙක ආවාහ-විවාහ සිදුවූ අතර, එය තව ජාතියක උප්පත්තියකට හේතු වී තිබිණ. රාවණ හෙවත් කෞරාණ යනු මෙරට සහ ලෝකය පුරා ව්‍යාප්ත වූ යක්ෂ ගෝත්‍රික කෝණ වංශිකයන්ගේ මුල් නමයි. මොවුන් විජය රජු ලංකාවට පැමිණීමටත් පෙර අෑත අතීතයක සිට මෙරට පදිංචිව සිටි අතර, දැනට හෙළිදරවු වූ තොරතුරු සහ සාක්ෂි අනුව ලාංකිකයන්ගේ ඉතිහාසය ඒ අනුව විජය රජ සමය ඉක්මවූ අතීතයකට නෑකම් කියයි. මෙහිලා දැක්විය හැකි වඩාත්ම වැදගත් කාරණය වනුයේ රාවණා රජුගේ මුනුපුරකු වන රවි ශෛලාෂ රජ කුමරුගෙන් පැවැත ආ නීලගිරි වංසයේ මහානාම රජුගෙන් ඇරැඹුණු පසු පරම්පරාවේ, පරම්පරාවල් තුනක් වර්තමාන ශ්‍රී ලංකාවේ අදටත් ජීවත්ව සිටීමයි. එම පරපුර මාතා බණ්ඩාර හෙවත් මුදලිහාමි හෙවත් රාජකරුණා මුදියන්සේගෙන් ඇරැඹුණු අතර, රාජකරුණා මුදියන්සේ සෝල්බරි ආණ්ඩුව සමයේ මහජන සෞඛ්‍ය පරීක්ෂක නිලධරයකු ලෙස කටයුතු කර ඇත. මෙම මාතා බණ්ඩාර හෙවත් මුදලිහාමිට පුතුන් තිදෙනකු සිටි අතර, ඔවුන් කිරිබණ්ඩා, හීන්බණ්ඩා, ටිකිරි බණ්ඩා ලෙසින් හැඳින්විණ. වැඩිමල් පුතා වන කිරි බණ්ඩාට දරුවන් සත්දෙනෙකි. ඒ පිරිමි දරුවන් වූ කපුරු බණ්ඩා, කළු බණ්ඩා, තිලකරත්න බණ්ඩාර, හීන්බණ්ඩාත්, ගැහැනු දරුවන් වූ ඩිංගිරි මැණිකා, සෝමාවතී, විමලාවතීත් වශයෙනි. තෙවැනි පුතු වූ හීන් බණ්ඩාට පළමු විවාහයෙන් දරුවන් හතර දෙනෙක් ලැබිණ. ඒ පුතුන් වූ චන්ද්‍රසේන, විමලසේන, මුතු බණ්ඩා සහ දියණියක වූ සුමනාවතියි. දෙවැනි පුත්‍රයා වූ ටිකිරි බණ්ඩා හෙවත් සිට්ටිය රාලට සිටියේ දියණිවරුන් තිදෙනෙකි. ඉන්ද්‍රාවතී, චන්ද්‍රාවතී සහ පේමාවතීයි. මෙම දරුවන්ගෙන් කිරි බණ්ඩාගේ පුතකු වන තිලකරත්න බණ්ඩාරත්, හීන් බණ්ඩාගේ පුතකු වූ මුතු බණ්ඩාත් පැවිදි දිවියට ඇතුළත් වූහ. තිලකරත්න බණ්ඩාර ගිහිනම අතහැර පැවිදි වූ කිරිබණ්ඩාගේ සිවුවැනි දරුවා පූජ්‍ය විමලරතන ස්වාමින් වහන්සේ, රාවණාගේ පරපුරෙන් පැවැත ආ තම පරපුර පිළිබඳ ඉතිහාසගත ලිපි ලේඛන, සාක්ෂි බොහෝමයක් මේ වන විට සොයාගෙන ඇත. මේ වනවිටත් උන්වහන්සේ සැඟවී ගිය කරුණු ගවේෂණය කරමින් සිටිති. තමන් වහන්සේ සතුව යම් විස්මිත බලයක් තිබෙන බව වැටහෙන බවත්, එය සිත දියුණුකර හෝ ධ්‍යාන උපදවා ලබාගත්තක් නොවන බවත් පවසන උන්වහන්සේ තම දෑස් විවරව පවතින විට බොහෝ අතීත සිද්ධීන් සහ එහි දර්ශන තම දෑස් ඉදිරියේ ජීවමානව දිස්වන බවත් පවසා සිටිති. එය පරම්පරාවෙන් පැවැත ආ දෙයක් බව විශ්වාස කරන උන්වහන්සේ මායා දින දර්ශනය සහ අනාවැකි ගැන මෙබඳු අදහසක් ප්‍රකාශ කරති මායාවරුන් කියා තිබෙන අනාවැකි සහ දින දර්ශනය වැරැදි විදියට වටහා ගැනීමෙන් ලෝකය කලබල වී ඇත. නමුත් එය එසේ කලබල විය යුතු කරුණක් නොවේ. යම් යම් අවාසනාවන්ත සිදුවීම් සිදුවුවත් එය ලෝක විනාශය නොවේ. ලෝක විනාශය පිළිබඳ සැබෑ මතය ප්‍රකාශ කරනු ලැබුවේ බුදුන් වහන්සේයි. එබැවින් කලබල නොවී වැඩිපුර පින්දහම් කටයුතුවල යෙදෙන්නැයි උන්වහන්සේ ඉල්ලා සිටිති. අතීත රාවණා රජුගේ ලේ ඥාතීත්වය ජීවමානව දක්වන පරම්පරාව වන උන්වහන්සේගේ වර්තමාන පරම්පරාව ඉතා මනරම් වනගත භූමි ප්‍රදේශයක අප්‍රසිද්ධියේ ජීවත්වෙමින් රාවණාගේ ඉතිහාසය සහ ශ්‍රී ලංකාවේ අභිමානය ලෝකය හමුවට ගෙන ඒමට මහත් වෙහෙසක් දරමින් සිටිති. මේ පිළිබඳව විශේෂ ලිපි, ඡායාරූප මාලාවක් නුදුරේම 'මව්බිම' මගින් ප්‍රකාශයට පත්කෙරෙනු ඇත. අරුණඩේල් විජේරත්න

Read More

First president of Jaffna Tamil Buddhist Association dies

Priyanka Kurugala

funeral of Tamil Dhamma Buddhist Association first president Maruthar Vairamuttu will be held in Manipay today.

He was one of the first persons who dedicated himself to forge religious harmony between Buddhists and Hindus from 1959. He passed away in his home in Manipay in Jaffna on December 27 at the age of 94.

Vairamuttu was born in Manipay on October 20, 1918. He was the father of three sons and one daughter. He had eight grandchildren. Until his death he lived in Manipay with his daughter Puganalogini, his son-in-law Thiruchelvam and grandson Tharsigan and two grandchildren.

Vairamuttu was a retired teacher in handicrafts. He had served in many areas in the country.

He was fluent in all three languages. Eventhough he was born a Hindu, he got an opportunity to study Buddhism.

He understood the depth of Buddhism and became a follower of the teachings of the Buddha.

Among his close associates were Ven Akuretiye Amarawansa Thera, Madihe Pannaseeha Thera, Kanaweththewe Nandarama Thera and Ganegama Saranankara Thera. He showed great reverence towards these eminent monks.

He studied Buddhism and followed in the footsteps of these monks. These monks taught Vairamuthu and like minded individuals from among the Hindu community about and how to practice meditation. He had supported the people in many ways at that time. Vairamuthu had worked with former Parliamentarian Cyril Mathew and former Jaffna Government Agent Nissanka Wijeratne. He also supported individuals from depressed castes to obtain jobs.

The funeral will be held with the participation of Jaffna Nagaviharadhikari Ven Meegahajandure Siri Wimala Thera, the present President of Tamil Buddhist Association in Jaffna A Ravi Kumar and Nandarama Tamil Dhamma School Children in Jaffna, Monday evening.

Read More

'Hindus and Buddhists should work together'

Priyanka Kurugala in Jaffna

"If Buddhists and Hindus can work together, we can build up a prosperous future. It will be the way to reach the Miracle of Asia, according to the Mahinda Chinthana future vision", Tamil Buddhist Association President A Ravi Kumar said.

Speaking to the media at Jaffna Nagavihara on December 28, Ravi Kumar lauded the service to Buddhism by the first President of the Tamil Buddhist Association in Jaffna Maruthar Vairamuthu, who passed away aged 94 on December 27.

He said that meditation was one of the most important features in Buddhism. It directs people towards reconciliation. "We have to follow the sacred Dhamma delivered by the Buddha and then we would be able to build the country in a proper manner," he said. People who live in the South have vastly supported in the construction of Hindu Temples in the country. These Buddhists also pay homage to Hindu gods such as Vishnu, Pullair, Shiva and Murugan.

Hindus consider the Buddha as the incarnation of God Vishnu. Eventhough many statues of Hindu gods could be seen in Buddhist temples, unfortunately, Buddhist statues could not be seen in Hindu temples, he said.

Earlier, Jaffna Nagaviharadhikari Ven Meegahajandure Siri Wimala Thera said amity should be built between Buddhists and Hindus to develop ethnic and religious harmony in the country. It paves the way for peace in the country.

The Thera said that, before the conflict period, the Nagavihara monks vastly helped the people of Jaffna. Today too these people pay their gratitude to Nagavihara monks. The Nagavihara in Jaffna has drawn up many plans to develop harmony between all ethnic groups. Other than that, many activities were being conducted to develop the Nagavihara as a community base centre.

Presently, a seven storey building is being constructed to establish a multi purpose complex in the Nagavihara premises. Anybody who wishes to contribute towards this project was welcome to do so, the Thera said.

This is of national importance. The Nandarama Tamil Dhamma school is laying the foundation to guide the next generation of Tamil youth on the path of peace. There is groundswell of support among the people of Jaffna towards this endevour, the Thera said. Eventhough many barriers would be raised, activities in the Nagavihara to build up ethnic harmony would not cease, the Thera said.

Read More

හලාල් සම්බන්ධ බොදු බල සේනා මාධ්‍ය නිවේදනය

ශ්‍රී ලංකාවේ හලාල් සහතිකය පිළිබඳව මුලින්ම ශ්‍රී ලංකික ජාතිය අවදි කිරීම පිළිබඳව සමහර ජාතිවාදී හා අන්තවාදී දේශපාලන පක්ෂ හා පුද්ගලයින් විවිධ ස්වරූප වලින් "බොදු බල සේනා" ජාතිවාදී සංවිධානයක් ලෙස දැක්වීමට ගනු ලබන උත්සාහය අප විසින් ඉතා පිළිකුලෙන් යුතුව හෙලා දකින්නෙමු.

බොදු බල සේනා ජාලයේ අරමුණ වනුයේ සදාචාර සම්පන්න ශ්‍රී ලාංකීය ජාතියක් නිර්මාණය කිරීම සඳහා බෞද්ධ හර පද්ධතිය තුලින් අධ්‍යාත්මික නායකත්වය ලබා දීම සඳහා කටයුතු කිරීමය. ඒ සඳහා ශ්‍රී ලංකාවේ ඉතිහාසය හා ශිෂටාචාරය නිර්මාණය කල සිංහල බෞද්ධයන්ගේ නව පුනර්ජීවයක් ඇති කිරීම සඳහා නව ජාතික පුනරුද ව්‍යාපාරයක් ක්‍රියාත්මක කිරීමේ ඓතිහාසික රාජකාරියේ අප නියලී සිටින්නෙමු. මෙහිදී අප ජාතික වාදීන් වන අතර කිසිදු විටක ජාතිවාදී , වර්ගවාදී නොවෙමු. අප ශ්‍රී ලංකාවේ ජීවත් වන සියලු ආගමික හා ජනවාර්ගික කණ්ඩායම් වල අයිතීන් ගරු කරන අතර කිසිදු විටක ප්‍රචණ්ඩත්වය හෝ සාහසිකත්වය යොදාගෙන කටයුතු කරන ව්‍යාපාරවලට ඉඩ ප්‍රස්ථා ලබා නොදෙමු. අප හැමවිටම සාකච්චාව හා සම්මුතියෙන් ගැටළු විසදීමේ ප්‍රජාතන්ත්‍රීය ක්‍රමය විශ්වාස කරන්නෙමු.

අප යහ පාලනය හා සාධාරණත්වය වෙනුවෙන් හැමවිටම පෙනී සිටින අතර වැරදි කරන පුද්ගලයන්ගේ තරාතිරම, ජාතිය, ආගම පිළිබඳව නොසලකා එම වැරදි විවේචනය කරමු. එය ඕනෑම නවීන ප්‍රජාතන්ත්‍රීය සමාජයක් පිළිගත් චාරිත්‍රයකි.
අප විසින් විවේචනයට ලක් කොට ඇත්තේ අන්‍ය ආගමිකයින් පමණක් නොවේ. අප විසින් අප පිළිබඳව ස්වයං විවේචන වල නිතර යෙදෙමු. බොහෝ බෞද්ධ නායකින්ගේ වැරදි , බෞද්ධ ආයතනවල වැරදි අප විසින් නිර්දය ලෙස විවේචනය කරන ලද බව අපගේ කෙටි ඉතිහාසය තුල පැහැදිලිව දැක ගත හැකි කරුණකි.

හලාල් පිළබඳව අප විසින් කරන ලද හෙලිදරුව්ව අපගේ රටේ ජීවත්වන සාමාන්‍ය බිම් මට්ටමේ මුස්ලිම් වරුන් පිළිබඳ ගැටළුවක් නොවේ. එය ශ්‍රී ලංකාවේ මුස්ලිම් වරුන් පිළිබඳ ගැටළුවක් නොව ශ්‍රී ලංකාවේ ක්‍රියාත්මක වන අන්තර්ජාතික අන්තගාමී මුස්ලිම් ත්‍රස්තවාදය පිළිබඳ ගැටළුවක් බව අපි අවධාරණය කරන්නෙමු.


2012 නොවැම්බර් මස 19 වන දින අප මාධ්‍ය සාකච්චාවේදී ප්‍රකාශ කරනු ලැබුවේ 

" හලාල් පිළිබඳව මුස්ලිම්වරුන්ට ඇති අයිතිය අපිට ගැටලුවක් නෑ. මුස්ලිම්වරු ඉලක්ක කොට ජාතික හෝ ජාත්‍යන්තර වෙළඳපළට නිකුත් කරන හලාල් සම්බන්ධයෙන් අපිට ගැටලුවක් නෑ."
මෙම ප්‍රකාශයෙන් ඉතා පැහැදිලි වන්නේ අපට මුස්ලිම් වරුන් ගැන හෝ ඔවුන්ගේ ආගමික කටයුතු පිළිබඳව කිසිදු ගැටළුවක් නැති බවය. 
http://bodubalasena.org/sinhala/2012/11/%E0%B6%B6%E0%B7%94%E0%B6%AF%E0%B7%8A%E0%B6%B0-%E0%B6%B4%E0%B7%8A%E2%80%8D%E0%B6%BB%E0%B6%B8%E0%B7%94%E0%B6%9B-%E0%B6%B8%E0%B7%84%E0%B7%8F%E0%B7%83%E0%B6%82%E0%B6%9D%E0%B6%BA%E0%B7%8F%E0%B6%A7/ 

අපගේ ගැටලුව වුයේ මේ පිලිබඳ බෞද්ධ ජනතාව දැනුවත් වී නොමැති බැවින් ඔවුන් දැනුවත් කිරීමය. එය අපගේ සුද්ධ අයිතියකි. වෙනත් දෙවියකුට හෝ යමෙකුට කැප කල අහාර වර්ග බුදු රජුනට හෝ මහා සංගරත්නයට පුජා කිරීම අපගේ ආගමික මතවලට අනුව වැරදි බව ප්‍රකාශ කිරීම අපගේ ආගමික අයිතිය වන අතර එය ජාතිවාදී ලෙස හෝ වර්ගවාදී ලෙස හුවා දැක්වීම කිසිදු ලෙසකින් යුක්ති සහගත නොවේ. ඇත්තෙන්ම ජාතිවාදී හෝ වර්ගවාදී වන්නේ අපගේ මෙම අයිතිය පිලිබඳ අදහස් දැරීමට විරුද්ධ වන්නවුන්ය .
අද බොදු බල සේනා විසින් හෙලිදරුව් කරනුයේ ජාතික වශයෙනුත් ජාත්‍යන්තර් වශයෙනුත් ආරක්ෂක අංශ විසින් සැලකිලිමත් විය යුතු ඉතා වැදගත් කාරණයකි. මෙය හලාල් සහතිකය හරහා මස් කඩයේ සිට ජාත්‍යන්තර ත්‍රස්තවාදීන් ගේ අරමුදල් තර කිරීමට ගනු ලබන උත්සහයක් පිලිබඳවය

කැනඩාවේ ක්‍රියාත්මකවන Point de Bascule පර්යේෂණ ආයතනයට අනුව ( http://pointdebasculecanada.ca/) කැනඩාවේ හලාල් සහතිකය නිකුත් කරනු ලබන අදාල මුස්ලිම් සංවිධානය විසින් හමාස් හා අල්කයිඩා වැනි ජාත්‍යන්තර සංවිධාන වලට අරමුදල් සපයා ඇති අතර එම ජාත්‍යන්තර වශයෙන් සංවිධාන සමග ඍජු සම්බන්දතා පවත්වා ඇත. එමෙන්ම හලාල් සහතික මගින් උපයන මුදල් මුස්ලිම් අන්තවාදය හා ත්‍රස්තවාදය පැතිරවීමට යොදාගෙන ඇත. 

ඒ සඳහා පහත දැක්වෙන වෙබ් අඩවි වලට පිවිසිය හැක 

http://pointdebasculecanada.ca/articles/10002592-muslim-association-of-canada-a-contributor-to-hamas-fund-collector-controls-halal-certification-in-quebec.html
https://www.youtube.com/watch?feature=player_embedded&v=5UvWzzOhugU
http://www.youtube.com/watch?v=th5QTXf1UM0


මෙහිදී බොදු බල සේනා ජාලය පහත දැක්වෙන කරුණු ඉදිරිපත් කරනු ලැබේ.
1) හලාල් අහාර පාන බුද්ධ පුජාවට හා සංඝික දාන වලට අකැප බව
2) හලාල් අහාර පාන බෞද්ධයින්ට නුසුදුසු බව.
3) හලාල් සහතිකය කිසිම ආකාරයකින් පාරිභෝගික අමාත්‍යංශයෙන් අවසරයක් ලබා නොගෙන නීතිවිරෝධීව ක්‍රියාත්මක වන බව.
4) හලාල් සහතිකය නිකුත් කරන ආයතනය සඳහා පර්ලිමෙන්තුව්න් සම්මත වී ඇති අරමුණු වල හලාල් සහතිකය පිලිබඳ සඳහන් නොවන බව.
5) හලාල් සහතික හරහා උපයන මුදල් වල භාවිතය් පිලිබඳ විනිවිදභාවයක් නොමැති අතර එය මුස්ලිම් අන්තවාදය සඳහා යොදා ගත හැකි බව.
6) ජාත්‍යන්තර වශයෙන් හලාල් මුදල් විනාශකරී ත්‍රස්තවාදීන්ගේ කටයුතු සඳහා යොදවන බව.
7) හලාල් පිලිබඳ අපගේ ප්‍රකාශ පිලිබඳ සාමාන්‍ය මුස්ලිම් ජනයා කලබල වියයුතු නැති අතර පොදුවේ සාමාන්‍ය ජනතාව වශයෙන් අපි සියලු දෙන අන්තවාදයට හා ත්‍රස්තවාදයට විරුද්ධව එකතු විය යුතු බව.
8) සියලු සිංහල බෞද්ධ ව්‍යාපාරිකයින් හලාල් සහතික ගැනීම නැවැත්විය යුතු බව.
9) යුරෝපය හා ඇමරිකාවේ පවා හලාල් නොවන අහාර වලට දක්වන උනන්දුව ගැන සැලකිලිමත් වන ලෙස
10) සියලුම බෞද්ධ ස්ථානවල හලාල් නොවන අහාර පමණක් භාවිත කිරීම බෞද්ධ ප්‍රතිපත්තිය බව ජනතාවට පැහැදිළ කිරීම සඳහා දැන්වීම් පල කිරීම

එමෙන්ම අප විසින් රජයෙන් හා පාර්ලිමේන්තුවෙන් පහත කරුණු ඉල්ලා සිටිමු

1) හලාල් සහතික නිකුත් කිරීමේ නීතිමය තත්වය සොයා බල රටේ වාර්ගික කලබලයකට පත් වීමට ඇති තත්වය අවම කිරීමට කටයුතු කිරීම
2) හලාල් මුදල් පිළිබඳව රහස් පොලිසිය හා දේශීය අදායම් දෙපාර්තමේන්තුව විසින් සොයා බැලීම
3) ජාත්‍යන්තර ත්‍රස්තවාදය සඳහා හලාල් මුදල් භාවිතයට ඇති ඉඩකඩ සොයා බැලීම.
4) බෞද්ධ ජනතාවට හලාල් නොවන අහාර පාන ගැනීමට ඇති පාරිභෝගික අයිතිය ආරක්ෂා කිරීමට කටයුතු කිරීම
5) රජය හා රජයේ නියෝජිතයින් බුද්ධ පුජා හා සංඝික දාන දීමේදී හලාල් නම්වූ බෞද්ධයින්ට අකැප අහාර පාන යොදා නොගැනීම 
https://www.youtube.com/watch?feature=player_embedded&v=th5QTXf1UM0

 — with Lalani Pathirana and Chaminda Ariyarathna.

Read More

ශ්‍රී ලංකාවේ සියලු පොහෝ නිවාඩු දිනවල පවතී වෙළඳ නිවාඩු රජයේ දින දර්ශනයෙන් ඉවත් කිරීම සමබන්ධ බොදු බල සේනා ජාලය විසින් ජනාධිපති තුමා වෙත යවන ලද ලිපිය

Read More

ශ්‍රී ලංකාවේ සියලු පොහෝ නිවාඩු දිනවල පවතී වෙළඳ නිවාඩු රජයේ දින දර්ශනයෙන් ඉවත් කිරීම සමබන්ධ බොදු බල සේනා මාධ්‍ය නිවේදනය

Read More

Buddhist revival in the North

Buddhist revival in the North

Priyanka KURUGALA

Dhamma school is a new phenomenon to the North but the Tamil Buddhist Association is not a new concept to Jaffna, Jaffna Naga Viharaya Viharadhikari Ven Meegahajandure Siri Wimala Thera said.

A child is enrolled to the first Dhamma School in Jaffna

He said the Maha Sanga who lived in Naga Viharaya, Jaffna served the Buddhists in the North from ancient time.

The thera said at that time, Buddhists included people of both Sinhala and Tamil communities.

“No one will forget the services of Most Ven Madihe Pannaseeha Thera and Uthtara Lanka Chief Sangha Nayaka Thera Ven Kadawedduwa Nandarama Thera. The first Tamil Buddhist Association was inaugurated in Jaffna in 1959. The founder of the Tamil Buddhist Association is Maruthar Vairamuthu,” he said at the opening of the Dhamma School in Jaffna.

Ven Siri Wimala Thera said step by step, Tamil Buddhists in the North gathered round the Tamil Buddhist Association and it was the centre for Buddhist cultural awakening in the North. “Around 15,000 members were involved in the activities centred around the Naga Viharaya,” he said.

Ven Siri Wimala Thera said until terrorist activities commenced in the North, the Tamil Buddhist Association was a major organisation in Jaffna helping Buddhists to conduct religious activities.

He said Tamil Buddhist Association members in Jaffna are grateful to the Naga Vihara and bhikkhus who directed them towards a peaceful life. The prelate said five Buddhist schools were established in the Jaffna district. He said of this, three schools are still functioning.

The schools are Puththur - Madihe Pannaseeha Vidyalaya, Achchuweli Vipassi Vidyalaya and Nelliadi Narada Vidyalaya. The LTTE influence spread in the area in 1984. However, the former Chief Incumbent of the Jaffna Naga Viharaya Ven Kadawedduwa Nandarama Thera stayed at the viharaya not withstanding threats. In 1985, they abandoned the Jaffna Naga Vihara, Ven Meegahajandure Siri Wimala Thera said.

Children following Dhamma classes in Jaffna. Pictures by Nissanka Wijeratne

He said what only remained was the Bo tree worshipped by Buddhists in Jaffna.

He said the LTTE also destroyed the viharaya site.

The prelate said after rescuing Jaffna in the Riviresa I and II operations in 1995, the Naga Vihara was reestablished by the Army under the guidance of Most Ven Meegahajandure Ghanarathana Thera.

“The Indian Mahabodhi Society with the world Buddhist community helped in this regard. Between 1996 –1998, they rebuilt the house where the statue was placed and wall around the temple. The Naga Vihara Rest House was opened in 2000. After my education, I came to Jaffna in 2007. I met former President Maruthar Vairamuthu. He was unable to conduct further activities as previously, as he was not well. The present president of the Tamil Buddhist Association A Ravi Kumar came to Naga Vihara one day and he agreed to join in the activities of the temple. We were able to establish a new office in 2010 again after about 51 years of commencing the Tamil Buddhist Association in 1959,” the prelate said.

He said Tamils participate in Katina pinkamas from 2002 while from 2009, around 500,000 people participate in the Naga Vihara Katina pinkama. It it only second to the Nallur Kovil procession,” he said.

Read More